ჩვენს შესახებ

 ბათუმის არქეოლოგიური მუზეუმი დაარსდა 1994 წელს. მის ფონდებში თავმოყრილია აჭარის ტერიტორიაზე აღმოჩენილი სხვადასხვა ეპოქის ნივთიერი კულტურის ძეგლები. სამუზეუმო საქმიანობის ერთ-ერთი უმთავრესი მიმართულებაა საექსპედიციო მუშაობა. სამუზეუმო ფონდები მნიშვნელოვნად გაამდიდრა არქეოლოგიური მუზეუმის მიერ წარმოებული ექსპედიციებისა და მცირე დაზვერვითი სამუშაოების შედეგად მოპოვებულმა არქეოლოგიურმა მასალამ. 1994-2008 წლებში მუზეუმის ძალებით დაზვერვითი არქეოლოგიური სამუშაოები ჩატარდა  სოფ. კოლოტაურში, გობრონეთში, საღორეთში, წონიარისში (ქედის რაიონი), სოფ. თხილნარისა (ხელვაჩაურის რ-ნი) და ჩაქვის ჩაისუბნის (ქობულეთის რ-ნი) ტერიტორიებზე. მუზეუმის ფონდები მნიშვნელოვნად შეავსო საქართველო-ბრიტანეთის ერთობლივი არქეოლოგიური ექსპედიციის მიერ მოპოვებულმა ნივთიერი კულტურის ძეგლებმა. ექსპედიცია 1998 წლიდან მუშაობს ფიჭვნარში. მასში ბათუმის არქეოლოგიური და ოქსფორდის უნივერსიტეტის აშმოლის მუზეუმთან ერთად მონაწილეობენ ნ.ბერძენიშვილის სამეცნიერო-კვლევითი ინსტიტუტის, გონიო-აფსაროსის მუზეუმ-ნაკრძალის, თბილისის სახელმწიფო უნივერსიტეტის, ლონ­დონის^ნოთინგემის, ოქსფორდის, ჰონკონგისა და შტუდგარტის უნივერსიტე ტების თანამშრომლები და სტუდენტები. გარდა საველე კვლევა-ძიებისა, მიმდინარეობს მოპოვებული მასალის მეცნიერული დამუშავება. ოქსფორდის უნივერსიტეტში არაერთგზის იმყოფებოდნენ სამეცნიერო მივლინე ბაში  მუზეუმის მეცნიერ-თანამშრომლები. ექსპედიციის ხელმძღვანელების, პროფ. ა.კახიძისა და მ.ვიკერსის ავტორობით ქართულ და ინგლისურ ენებზე დაიბეჭდა ფიჭვნარის ერთობლივი ექსპედი ციის ხუთწლიანი ანგარიში - @”ფიჭვნარი I”. მუზეუმის თანამშრომლები ექსპედიციის ათწლიანი მუშაობის ანგარიშებით წარდგნენ საქართველო-ბრიტანეთისა და პოლონეთ-უკრაინის ერთობლივი არქეო ლო გიური ექსპედიციების ათწლიანი კვლევა-ძიების შედეგებისადმი მიძღვნილი საერთაშო რისო სამეცნიერო სიმპოზიუმზე, რომელიც 2008 წელს ჩატარდა პოლონეთში, ქ. კრაკოვში. 2008 წლის ივლის-აგვისტოში განხორციელდა საქარ თველო-ბრიტანეთის ფიჭვნარის ერთობლივი  ექსპე დი ციის მე-11 სეზონი.

კიდევ უფრო მდიდარია ჩვენი ქვეყანა მომდევნო ხანის არქეოლოგიური ძეგლებით. აშელისა და მუსტიეს ეპოქის ასეულობით ნაკვალევია მიკვლეული ჯავახეთის ზეგანზე, ისტორიულ ქვემო ქართლში, იორ-ალაზნის  აუზში, შიდა ქართლის ტერიტორიაზე, რიონ-ყვირილას ორმდინარეთში და თანამედროვე აფხაზეთის ტერიტორიაზე. ამათ რიცხვს განეკუთვნება აჭარის მთიანეთში აღმოჩენილი აშელის ხანის  ძეგლი კურორტ ბეშუმთან (ბულულას სერი).