BAM.ge

სამომხმარებლო ფასები დიდ ბრიტანეთში თებერვალში წლიური თვალსაზრისით 10,4%-ით გაიზარდა. ამას ქვეყნის სტატისტიკის ეროვნული სამსახურის (ONS) მონაცემები ადასტურებს.

ამრიგად, ინფლაცია იანვრის 10.1%-თან შედარებით დაჩქარდა.

ამავდროულად,  Trading Economics-ის კვლევის შედეგების მიხედვით, ანალიტიკოსები ელოდნენ ფასების ზრდის შენელებას 9,9%-მდე.

ინფლაციის აჩქარება პირველად ოთხ თვეში დაფიქსირდა და განპირობებული იყო ფასების მნიშვნელოვანი ზრდით რესტორნებსა და სასტუმროებში (12,1%-ით, ყველაზე მაღალი ნახტომი 1991 წლის ივნისის შემდეგ). გარდა ამისა, საკვებისა და უალკოჰოლო სასმელების ღირებულება გაიზარდა 18%-ით, რაც ყველაზე დიდი ზრდაა 1977 წლის აგვისტოს შემდეგ.

ტანსაცმელი და ფეხსაცმელი 8,1%-ით გაძვირდა, ალკოჰოლი და თამბაქო – 5,7%-ით, ტრანსპორტის მომსახურება, საწვავის ჩათვლით – 2,9%-ით. 26,6%-ით გაიზარდა საბინაო და კომუნალური გადასახადების გადახდა.

სამომხმარებლო ფასები ქვეყანაში თებერვალში წინა თვესთან შედარებით 1,1%-ით გაიზარდა, ანალიტიკოსები კი 0,6%-იან ზრდას ელოდნენ. იანვარში ეს მაჩვენებელი 0,6%-ით შემცირდა.