მაისში წლიურმა ინფლაციის დონემ 1.5% შეადგინა
მაისში საქართველოში წლიურმა ინფლაციის დონემ 1.5% შეადგინა.
ქვემოთ მოცემულ ცხრილში წარმოდგენილია სამომხმარებლო კალათაში შემავალი საქონლისა და მომსახურების ჯგუფების ფასების წლიური პროცენტული ცვლილება და შესაბამისი წვლილი ინფლაციის მთლიან მაჩვენებელში:
წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სურსათი და უალკოჰოლო სასმელები: ჯგუფში ფასები გაიზარდა 3.3 %-ით, რაც წლიურ ინფლაციაზე 1.19 პროცენტული პუნქტით აისახა.
სხვადასხვა საქონელი და მომსახურება: ჯგუფში ფასები გაიზარდა 18.4 %-ით, რაც 0.92 პროცენტული პუნქტით აისახა წლიურ ინდექსზე.
ალკოჰოლური სასმელები, თამბაქოს ჯგუფში ფასები გაიზარდა 7.1 %-ით, რაც 0.48 პროცენტული პუნქტით აისახა მთლიან ინდექსზე.
ტრანსპორტი: ჯგუფში ფასები შემცირდა 12.9 %-ით, რაც -1.64 პროცენტული პუნქტით აისახა მთლიან ინდექსზე.
ჯანმრთელობის დაცვის ჯგუფში დაფიქსირდა ფასების 7.5 %-იანი კლება, რაც -0.73 პროცენტული პუნქტით აისახა წლიურ ინდექსზე.
