რუსეთში Jacobs-ის ყავის ბრენდს შესაძლოა სახელი გადაერქვას
ყავის მსხვილმა ნიდერლანდურმა მწარმოებელმა – JDE Peet’s, შესაძლოა უარი თქვას Jacobs-ის ბრენდის რუსეთში გამოყენებაზე, იუწყება რუსული “კომერსანტი” წყაროებზე დაყრდნობით.
გამოცემის ცნობით, რუსეთში ბრენდს შესაძლოა დაერქვას Monarch ან Milicano. ერთ-ერთი წყარო ამბობს, რომ სახელის შეცვლაზე მსჯელობენ, თუმცა საბოლოო გადაწყვეტილება ჯერ არ არის.
გამოცემის კიდევ ერთმა თანამოსაუბრემ განაცხადა, რომ ბრენდის სახელის გადარქმევის გამო, კომპანიას მეტი შესაძლებლობა ექნება პროდუქციის პოპულარიზაციისთვის რუსეთის ფედერაციაში.
JDE Peet-ის ანგარიშში აღნიშნულია, რომ უკრაინაში რუსეთის შეჭრის დაწყებიდან, კომპანია ცდილობს უზრუნველყოს, რომ რუსეთში ბიზნესი დამოუკიდებლად განვითარდეს. კერძოდ, კომპანია არ დაუშვა პროდუქციის გაფართოებას რუსეთის ფედერაციაში, შეწყვიტა ინვესტიციები რეკლამაში და გლობალური ბრენდების პოპულარიზაციაში, ნათქვამია მოხსენებაში.
JDE Peet’s-მა განუცხადა გამოცემას, რომ ისინი აპირებენ გააგრძელონ რუსეთში მომხმარებლებისა მომსახურება ადგილობრივი ოფისის მეშვეობით. როგორც კომპანიის წარმომადგენელმა აღნიშნა, ლოკალიზაციის შემდგომი გაძლიერება, ბრენდების ხაზის ჩათვლით, „ყველაზე კარგად დააკმაყოფილებს მოთხოვნას“.
რუსეთის ფედერაციაში კომპანია ფლობს Jacobs Dow Egberts Rus ქარხანას, რომელიც მდებარეობს ლენინგრადის რეგიონში, მისი სიმძლავრე წელიწადში 35 ათას ტონაზე მეტი პროდუქტია. ქარხანა აწარმოებს ხნად ყავას, ყავის ნარევებს, მოხალულ, დაფქულ და მარცვლოვან ყავას Jacobs Monarch, Jacobs Monarch Millicano, Carte Noire.
2021 წელს, Jacobs Dow Egberts Rus-ის შემოსავალი გაიზარდა 13%-ით, 35,11 მილიარდ რუბლამდე, წმინდა მოგებამ შეადგინა 5,96 მილიარდი რუბლი.
მსგავსი სიახლეები
